टेकराज भुसाल
फागुन २० बुटवल । होली पर्वकाे अवसर पारी चैत ३ गतेदेखि ५ गतेसम्म ढाकावाङ्गकाे पिपलनेटामा खुल्ला पुरुष भलिबल प्रतियोगिता हुने भएको छ।
पिपलनेटा बजार बिकास संस्था भूमिकास्थान नगरपालिका वार्ड नम्बर १र२ काे आयोजनामा दाेस्राे पिपलनेटा खुल्ला भलिबल प्रतियोगिता आयोजना गरिएको हो ।
जिल्लाभित्र तथा जिल्ला बाहिरका राष्ट्रिय भलिबल खेलाडि टिमहरूको सहभागिताको अपेक्षाका साथ सञ्चालन गरिने उक्त प्रतियोगिताको विजेताले जिल्लाकै सर्वाधिक पुरस्कार राशी नगद रू. ५१,५००/- (एकाउन्न हजार पाँच सय ), शिल्ड, मेड्ल र प्रमाणप्रत्र प्राप्त गर्नेछ । साथै उपविजेता र तृतीय स्थान हासिल गर्ने टिमले क्रमश: ३१,३००/-(एकतिस हजार तीन सय) र २१,१००/- (एक्काईस हजार एक सय) शिल्ड, मेड्ल र प्रमाणप्रत्रको व्यवस्था गरिएको आयोजकले जनाएको छ ।
