असार ७ अर्घाखाँची । भुमिकास्थान नगरपालिका वार्ड नम्बर १ पैयापाटा निवासी नेकपा (माओवादी केन्द्र)का सक्रिय सदस्य झब बहादुर नेपालीको निधन भएको छ। ७७ वर्षीय नेपालीको मंगलबार निधन भएको हो।
नेपालीको पार्थिव शरीरमा नेकपा (माओवादी केन्द्र) भूमिकास्थान नगर कमिटी अध्यक्ष नरेन्द्रमान मुखियाले पार्टीको झण्डा ओढाएर श्रद्धाञ्जली अर्पण गर्नुभएको थियो।
सो क्रममा मुखियाले नेपालीको निधन प्रति गहिरो दुुःख व्यक्त गर्दै आफूहरुले भद्र, शालीन, बौद्धिक अभिभावक गुमाएको र नेपालको कम्युनिष्ट आन्दोलनले एक अनुभवी सदस्य गुमाएको बताउनुभयो ।
भुमिकास्थान १ का वडाध्यक्ष गाेपाल खनाल, नेकपा (माओवादी केन्द्र) नगर कमिटी उपाध्यक्ष बाबुराम खनाल, १ नम्बर वडा कमिटी अध्यक्ष ठाकुर भुसाल, राजमाेका राेम बहादुर राउत,एमालेका कमल चुदाली, ycl नेता अशोक खनालले स्वर्गीय नेपालीलाई श्रद्धाञ्जली अर्पण गर्नुभएको थियो।
