भूमिकास्थान अर्घाखाँची । भूमिकास्थान नगरपालिका वार्ड नम्बर १ ठुलाखाेला निवासी नेकपा (माओवादी केन्द्र)का जेष्ठ महिला सदस्य तथा दस वर्षे जनयुद्धका सहिद स्वर्गीय कृष्ण खनाल एवम् माओवादी केन्द्रका सक्रिय सदस्यहरु पदम प्रसाद खनाल, रामप्रसाद खनाल विष्णुप्रसाद खनाल एवम् मतिराम खनालकि आमा देवी खनालको शनिवार ८४ वर्षको उमेरमा निधन भएको छ।
स्वर्गीय खनालको पार्थिव शरिरमा नेकपा (माओवादी केन्द्र) का प्रदेश सदस्य ठाकुर साैरागले पार्टीको झण्डा ओढाएर श्रद्धाञ्जली अर्पण गर्नुभएको थियो। 
स्थानीय आर्यघाटमा गरिएको अन्त्येष्टिमा राष्ट्रिय जनमाेर्चा भुमिकास्थान १ का उपाध्यक्ष खुविराम खनाल, नेपाली काङ्ग्रेसका प्रतिनिधि युवराज खनाल, नेकपा (एमाले) का प्रतिनिधि विष्णुप्रसाद खनाल, समाजसेवी रामप्रसाद खनाल, भुमिकास्थान १ का वडा अध्यक्ष गाेपाल खनाल लगायतले स्वर्गीय खनाललाई श्रद्धाञ्जली अर्पण गर्नुभएको थियो। 
श्रद्धाञ्जली सभाको संचालन नेकपा (माओवादी केन्द्र) भुमिकास्थान नगर कमिटी उपाध्यक्ष बावुराम खनालले गर्नुभएको थियो ।
