जेठ २४ , प्युठान ।
प्युठान जिल्ला झिमरुक गाउँपालिकाका प्रमुख प्रशासकीय अधिकृत सुवाश रिजाल माथी हातपात भएको छ । पालिका अध्यक्ष पितवहादुर महताराको छोरा (अखिल क्रान्तिकारी)का केन्द्रीय उपाध्यक्ष मिलन एमसिले प्रशासकीय प्रमुख रिजाल, रोजगार सहायक दिपक जिसि लगाएतलाई हातपात गरेका छन् ।
एमसिले प्रक्रिया नपुगेको फाइल जवरजस्ति सदर गराउन खोजेको र प्रमुखले नमानेपछि हातपात गरेको बुझिएको छ ।
प्रत्यक्षदर्शिका अनुसार महतराले मदिरा सेवन गरेर कार्यालयको योजना शाखामा भुक्तानीको लागि आएका थिए।
उनले कार्यालयमा अन्य कर्मचारी माथी पनि हातपात गरी तथानाम गाली बेइज्जती समेत गरेका छन् । हातपात गरेपछि पालिका अध्यक्षले पालिकाको गाडीमा राखेर भगाएको कर्मचारी स्रोत वताउँछ ।
घटनाबारे अनुसन्धान भइरहेको जिल्ला प्रहरी प्रमुख शुवास खड्काले जानकारी दिए ।
