बुटवल । रुपन्देहीको तिलोत्तमा नगरपालिका वडा न ३ शान्तिकुञ्जमा शनिवार राति भएको सडक दुर्घटनामा एक जनाको मृत्यु भएको छ भने पाँच जना घाइते भएका छन्।
मृत्यु हुनेमा अर्घाखांची छत्रगञ्ज गाउँपालिका वडा नम्बर ८ का ३२ बर्षिय विकास श्रेष्ठ छन्। उनको उपचारको क्रममा बुटवलको चौराह अस्पतालमा मृत्यु भएको हो।
श्रेष्ठले चलाएको बा २० च १४३८ नम्बरको स्कारपियो जिप भैरहवाबाट बुटवलतर्फ आउँदै गर्दा तिलोत्तमा नगरपालिकाको शान्तिकुञ्जमा दुर्घटना भएको हो।
दुर्घटनामा परी वर्ष ३१ का विज्ञान श्रेष्ठ, वर्ष ४९ का सुरेन्द्र श्रेष्ठ वर्ष १८ का विप्लव श्रेष्ठ, वर्ष १७ का शुर्दसन श्रेष्ठ र वर्ष ३५ का विशाल पन्थी घाइते भएका छन।
घाइते पाँचै जनाको बुटवलको चौराहा अस्पतालमा उपचार भइरहेको प्रहरीले बताएको छ। तिव्र गतिमा रहेको उक्त जिप अनियन्त्रित भएर सडकको मेडियनमा रहेको विद्युत पोलसँगै वालमा ठोक्किएको थियो।
