नेकपा (माओवादी केन्द्र) भूमिकास्थान नगर कमिटी सचिव चेतन खनाललाई पितृ शाेक परेको छ।
भूमिकास्थान नगरपालिका वार्ड नम्बर २ ढाकावाङ्ग निवासी नेकपा (माओवादी केन्द्र) भूमिकास्थान नगर कमिटी सचिव चेतन खनाल, सक्रिय सदस्य प्रकाश खनाल, अखिल (क्रान्तिकारी) सिद्धार्थ गाैतम बुद्ध क्याम्प इकाई कमिटी काेषाध्यक्ष मञ्जु खनालका बुबा तथा नेकपा (माओवादी केन्द्र) भूमिकास्थान नगर कमिटी सदस्य पुस्पा भाट (खनाल)का ससुराबुबा ७० वर्षीय तामलाल खनालको बुटवल स्थित लुम्बिनी प्रादेशिक अस्पतालमा उपचारको क्रममा साेमबार दिउँसो निधन भएको हो।
खनालको मृत शरीरमा पार्टीको झण्डा ओडाउदै नेकपा (माओवादी केन्द्र) स्थाई कमिटी सदस्य गणेशमान पुन, केन्द्रीय सदस्य ठाकुर कुमार बिक (किशोर), छमकुमारी खनाल (चिनारी)ले खनालको निधनप्रति नेकपा (माओवादी केन्द्र) दुखित एवम् मर्माहित भएको बताउदै स्वर्गीय खनालले नेपालको बामपंथी तथा प्रगतिशील आन्दोलनहरूमा निर्वाह गर्नुभएको सक्रिय भूमिकाको प्रशंसासमेत गर्नुभएको थियो। 
स्वर्गीय खनालका श्रीमती, २ छाेरा र १ छाेरी हुनुहुन्छ।
