अर्घाखाँची । भूमिकास्थान नगरपालिका वार्ड नम्बर ३ मा रहेको ठुलाखर्क युवा क्लबले विद्यार्थीलाई टाइ वितरण गरेको छ।
ठुलाखर्क युवा क्लबले तिहारकाे समयमा भैलाेमा उठेको रकमबाट केही रकम छुट्टाएर शुक्रबार भूमिकास्थान-३ मा रहेको शंकर जनसेवा आधारभूत विद्यालयका विद्यार्थीलाई टाइ वितरण गरेको हो।
टाइ वितरण कार्यक्रममा विद्यालय व्यवस्थापन समितिका पदाधिकारी, शिक्षक, स्थानीय अगुवा र विद्यार्थीहरुकाे उपस्थिति रहेको थियो।
क्लबले केही दिनमै भूमिकास्थान-३ मै रहेको सिद्धार्थ आधारभूत विद्यालयमा समेत टाइ वितरण गर्ने क्लवका प्रतिनिधि बिज्ञानजी भाटले जानकारी दिनुभएको छ।
