भूमिकास्थान अर्घाखाँची । भूमिकास्थान (अर्घाखाँची)-रुपन्देही सम्पर्क समाज र अर्घाखाँची ढाकावाङ्ग-रुपन्देही सम्पर्क समाजको संयुक्त आयोजनामा श्रद्धाञ्जली सभा ढाकावाङ्गमा सम्पन्न भएको छ। 
भूमिकास्थान (अर्घाखाँची)-रुपन्देही सम्पर्क समाजका उपाध्यक्ष तथा अर्घाखाँची ढाकावाङ्ग-रुपन्देही सम्पर्क सल्लाहकार ढुण्डिराज खनाल, सामाजिक व्यक्तित्व जीवनारायण खनाल र गाेपाल खनालका आमा तथा ढाकावाङ्ग-रुपन्देही सम्पर्क समाजका कार्यसमिति सदस्य रेस्मा खनालका सासुआमा स्वर्गीय छमकला खनालकाे सातौ दिनको पुण्य तिथीमा श्रद्धाञ्जली सभा सम्पन्न भएको भएको हो। 
श्रद्धाञ्जली सभामा भूमिकास्थान (अर्घाखाँची)-रुपन्देही सम्पर्क समाजका अध्यक्ष लक्ष्मण बेलवासे, ढाकावाङ्ग-रुपन्देही सम्पर्क समाजका अध्यक्ष कृष्णप्रसाद खनाल र भूमिकास्थान (अर्घाखाँची)-रुपन्देही सम्पर्क समाजका सल्लाहकार तथा ढाकावाङ्ग-रुपन्देही सम्पर्क समाजका सहसचिव टेकराज भुसालले शाेक मन्त्वय राख्दै स्वर्गीय खनालको निधनले संस्थासँगै सिङ्गो समाजलाई नै अतुलनीय क्षति पुगेको बताउनुभएको थियो।
श्रद्धाञ्जली कार्यक्रममा भूमिकास्थान-रुपन्देही सम्पर्क समाजका सहसचिव गाेविन्द खनाल, ढाकावाङ्ग-रुपन्देही सम्पर्क समाजका सहकाेषाध्यक्ष शिवलाल खनाल, गुराँस हस्पिटल प्राली बुटवलका संचालक नारायण भुसाल, सामाजिक व्यक्तित्व किसान बन्जाडे लगायत शुभ-चिन्तकहरुकाे उपस्थिति रहेको थियो। 
स्वर्गीय खनालको ९२ वर्षको उमेरमा पुस १४ गते निधन भएको थियो।
